Contrast Finder, qu’es aquò ?

Contrast-Finder es una aisina que calcula lo contrast entre doas colors (rèire-plan e primièr plan) e que verifica s’es sufisent. S’aqueste contrast es pas valid, l’aisina fa de suggestions de colors alternativas qu’an un contrast corrèct.

Ajuda / Cossí utilizar aquesta aisina ?

L’interfàcia de Contrast-Finder es un formulari amb cinc camps obligatòris.

Color del tèxt
Color del fons
Racio minimum
Color a modificar
Prepausa-me

Primièr plan : color del tèxt

Es la color del tèxt. Podètz emplenar aqueste camp amb un nom de color CSS, una valor exadecimala, o una valor RGB. La valor sasida es alara previsualizada a man drecha del camp.

Color per mots-claus

Exemple : Black, Silver, YellowGreen, MediumPurple.
Las valors autorizadas son los noms de las colors utilizables en CSS (del nivèl CSS 1 al nivèl CSS 4).

Color en exadecimal

Exemple : #AABBCC. Notatz que #ABC fonciona tanben, completam automaticament la camp amb#AABBCC. Podètz tanben utilizar aqueste camp sens cap de caractèr #, atal FFF o FFFFFF foncionan coma cal.

Color en RGB

Exemple : rgb(255,255,255).
De la meteissa manièra, 255,255,255 fonciona tanben, remplaçam la valor d’aqueste camp per rgb(255,255,255).

Rèire-plan : color del fons

Es la color del rèire-plan.
Aqueste camp fonciona coma lo camp color del tèxt.

Racio minimum

Tres valors possiblas : 3, 4.5 et 7.

Cossí causir un racio ? Depend dels elements seguents :

Nivèl d’accessibilitat desirat : AA o AAA.
Lo tèxt es en gras ?
Talha del tèxt.

Nivèl AA

Dos elements (la talha e la grassa del tèxt) dònan 4 combinasons :

Tèxt non gras + talha del tèxt < 24px : racio = 4.5
Tèxt non gras + talha del tèxt > 24px : racio = 3
Tèxt en gras + talha del tèxt < 19px : racio = 4.5
Tèxt en gras + talha del tèxt > 19px : racio = 3

Nivèl AAA

Pel nivèl AAA, la logica es la meteissa amb un creis de la valor dels racios :

Lo racio 4.5 ven 7
Lo racio 3 ven 4.5

Interpretacion de la talha dels tèxtes

Lo critèri 19px pòt èsser comprés coma valent 14pt o 120% ou 1.2em.
Lo critèri 24px pòt èsser comprés coma valent 18pt o 150% ou 1.5em.

Per una compreneson complèta e exaustiva de l’interpretacion de la talha dels tèxtes, lo legeire pòt consultar la definicion de tèxte grand del WCAG.

Informacions complementàrias sul contrast per l’accessibilitat

En complement, totas las informacions detalhadas (en francés e en anglés) sul rapòrt de contrast entre lo tèxte e lo rèire-plan :

Color a modificar

S’agís de la color del tèxt o de la color del fons. Per defaut, es la color del tèxt.

La color que causissètz serà modificada fins que l’aisina tròbe una color valida. L’autra color cambiarà pas.

Prepausa-me / Los algorismes

“Colors validas e fòrça prèpas de la color iniciala”

Aquò es l’algorisme per defaut. Prepausa de colors extrèmament prèpas de la color iniciala. (La proximitat es calculda sus de critèris matematics, pòdon èsser diferents d’una vision grafica.)

L’algorisme dins unes casses tòrna pas cap de resultat ; dins aqueste cas, causissètz un autre algorisme. :)

“Paleta de colors validas”

Aqueste d’aquí es l’algorisme “de secors”, quand lo primièr dòna pas res. Percontra, las colors prepausadas pòdon èsser alonhadas, amai francament distinctas de la color iniciala.

Una question ?

S’avètz de questions o remarcas al subjècte de Contrast-Finder, contactatz-nos :

Contribuïr a Contrast-Finder

Totas las contribucions son planvengudas ! Traduccion, correccion, rapòrt de bug, novèla foncionalitat… Esitetz pas a jogar amb lo còde font o a ne parlar sul forum.